جیسے ہی بی 95 کے زاہد صاحب حج پر روانہ ہوئے، ان کے گھر سے گارڈوں کے لنچ کی فراہمی 4 دسمبر 2008 سے بند ہوگئی۔ اس کے اسباب کا فی الحال درست طور پر علم نہیں، کیونکہ انہوں نے جاتے ہوئے تمام معاملات جوں کے توں چلنے کا وعدہ کیا تھا۔ بحرحال جب گارڈ ایک روز بھوکے رہے تو 5 دسمبر سے جاوید ہل ویو میں واقع کوئٹہ ہوٹیل سے دو عدد لنچوں کا انتظام کردیا گیا ہے۔
اس کی قیمت تقریبا50 روپیے فی شخص پڑ رہی ہے۔
تمام مالی معاملات کا جائزہ لے کر یہ کوشش کی جائے گی کہ تینوں وقت کا کھانا دونوں گارڈوں کے لیے ہوٹیل سے ہی فراہم کردیا جائے اور اس طرح تمام محلہ داروں کے لیے کچھ آسانی ہوسکے۔
واضح رہے کہ فی الوقت صبح کا ناشتہ بی 97 اور رات کا کھانا بی 93 اور بی 39 سے دیا جارہا ہے۔
چونکہ گزشتہ دوروز سے ہلکی پھلکی بارش ہورہی ہے، اس امر کا اندازہ لگایا گیا ہے کہ ایک عدد گارڈ کیبن فوری طور پر بی 39 کے پاس نصب کیا جانا ضروری ہے۔
No comments:
Post a Comment